उत्तरगया गाउँपालिका अन्तर्गतका विद्यालयहरूमा करार शिक्षक तथा कर्मचारी नियुक्तिका लागि सिफारिस गर्न सञ्चालन गरिने परीक्षामा प्रश्नपत्र निर्माण, परिमार्जन र उत्तरपुस्तिका परीक्षण गर्न, साथै विद्यालय शिक्षाका विभिन्न तहका प्रश्नपत्र निर्माण, परिमार्जनलगायत अन्य शैक्षिक कार्यका लागि विज्ञान विषयको विषय विज्ञ (रोस्टर) सूची अद्यावधिक गरिने भएको छ। सूचीमा सूचीकृत हुन चाहने योग्यता र अनुभव पुगेका इच्छुक स्थायी शिक्षकहरूले २०८३ साल मंसिर १० गतेभित्र आवश्यक कागजात सहित तोकिएको ढाँचामा निवेदन पेश गर्नुपर्नेछ। (सूचना प्रथम पटक प्रकाशित मिति: २०८३।०७।१६)

आवश्यक योग्यता र अनुभव:

• आधारभूत तह: शिक्षा शास्त्रमा कम्तीमा स्नातक वा सो सरह उत्तीर्ण गरी सम्बन्धित तहमा कम्तीमा ५ वर्ष स्थायी सेवा गरेको।
• माध्यमिक तह: शिक्षा शास्त्रमा कम्तीमा स्नातकोत्तर वा सो सरह उत्तीर्ण गरी सम्बन्धित तहमा कम्तीमा ५ वर्ष स्थायी सेवा गरेको।

निवेदनसाथ पेश गर्नुपर्ने कागजात:

• निवेदन (तोकिएको ढाँचामा)
• नेपाली नागरिकताको प्रमाणपत्रको प्रतिलिपि
• स्थायी लेखा नम्बर (PAN) कार्ड
• शैक्षिक योग्यता र अनुभवको प्रमाणपत्रको प्रतिलिपिहरू
• स्थायी नियुक्ति तथा स्थायी अध्यापन अनुमति पत्रको प्रतिलिपि